៙ គ្រឿងផ្សំ- ស៊ុត ២ គ្រាប
- ទឹកត្រី ១ កូនស្លាបព្រាកាហ្វេ
- ខ្ទឹមចិញ្ច្រាំកន្លះកូនស្លាបព្រាកាហ្វេ
- អំបិល ១/៤ កូនស្លាបព្រាកាហ្វេ
- ស្ករស ៣ កូនស្លាបព្រាកាហ្វេ
- ម្រេចខ្មៅកន្លះកូនស្លាបព្រាកាហ្វេ
- ម្សៅខ្ចប់ (បាញ់ត្រាង) ៣០ សន្លឹក
- មីសួដាក់ត្រាំទឹកក្ដៅ ៣០ នាទី រួចហាន់កង់ៗ
- ផ្សិតក្រៀម ៥-៦ ដុំត្រាំ ហើយហាន់ស្ដើងៗ
- ខ្ទឹមបារាំង ២/៣ កូនពែងហាន់ស្ដើងៗ
- ត្រាវ ១ ផ្លែហាន់ឆ្នូតស្ដើងៗ
- ការ៉ុត ១ កូនពែងហាន់ឆ្នូតស្ដើងៗ
- ស្លឹកខ្ទឹមហាន់កង់ៗ
- សាច់ក្តាម ឬបង្គាក្រៀម ៣ ខាំ
- សាច់ជ្រូក ៣ ខាំ
- ទឹកសុទ្ធកន្លះលីត្រ
- ប្រេងឆា
- ទឹកម្ទេស
- សាលដ៍
៙ វិធីធ្វើទឹកជ្រលក់
យកម្ទេស ខ្ទឹមចិញ្ច្រាំ ហើយស្ករ.ស ៣ កូនស្លាបព្រាកាហ្វេ ទឹកក្ដៅ ២/៣ កូនពែង ទឹកក្រូចឆ្មារ ១ កូនស្លាបព្រាកាហ្វេ ទឹកត្រី ៥ កូនស្លាបព្រាកាហ្វេ និងការ៉ុតដាក់ចូលកូរឲ្យសព្វ គឺរួលរាល់ ។
៙ វិធីធ្វើ
ត្រូវយកស៊ុតគោះដាក់ចាន ដាក់ទឹកត្រី ខ្ទឹមស អំបិល ស្ករ.ស និងម្រេចខ្មៅ ហើយកូរវាឲ្យសព្វ ។ រួចហើយទើបយកមីសួរ ផ្សិត ខ្ទឹមបារាំង ត្រាវ ការ៉ុត ស្លឹកខ្ទឹម សាច់ក្ដាម បង្គាក្រៀម និងសាច់ជ្រូក ដាក់ចូលកូរជាមួយគ្នាដោយប្រើចានគោមធំមួយដាក់ទឹកក្ដៅឧណ្ហៗ រួចហើយដាក់ស្ករ ៣ ស្លាបព្រាកាហ្វេ កូរឲ្យរលាយចូលគ្នា ( ដើម្បីឲ្យស៊ីយ៉បំពងទៅវាឡើងពណ៌មាស) រួចហើយទើបយកក្រដាសខ្ចប់ដាក់ទៅក្នុងទឹកក្ដៅឧណ្ហៗនោះ រួចត្រូវយកសាច់ដែលធ្វើហើយនោះមកខ្ចប់មូលឲ្យស្អាត ។ បន្ដមកទៀតយកវា ទៅដាក់នៅក្នុងខ្ទះប្រេងដែលកំពុងក្ដៅ ទុកវាឲ្យឡើងពណ៌មាស ទើបដួសវាចេញឲ្យស្រក់ខ្លាញ់រួចរៀបដាក់ចាន ហើយតុបតែងដោយបន្លែសាលាដ៍ ហើយអាចប្រើទឹកម្ទេសធ្វើជាទឹកជ្រលក់ ឬទឹកត្រីជ្រលក់ក៏បាន ៕
Source: http://knowledge.cen.com.kh/index.php?option=com_content&view=article&id=858:2011-01-17-02-52-32&catid=37:how-to-cook-food&Itemid=56
