| Saturday, 02 April 2011 20:18 |
 ដើម្បីកាត់បន្ថយនូវការកក់ស្ទះក្នុងការធ្វើ ដំណើរនាពេលខាងមុខនេះកម្ពុជានឹងមានខ្សែ រថភ្លើងអគ្គិសនីនៅរាជធានីភ្នំពេញ ។នេះគឺជា គម្រោង ថ្មីដែលបានធ្វើឡើង ក្នុងពិធី ចុះហត្ថលេខាដែល បានធ្វើ ឡើង រវាងលោក រដ្ឋមន្ត្រី ត្រាំ អ៊ីវតឹក ជាមួយ លោក ជីអេរី ម៉ារីយ៉ានី រដ្ឋលេខាធិការ ទទួលបន្ទុកដឹកជញ្ជូនបារាំង និងលោក កែប ជុតិមាអភិបាលរាជធានីភ្នំពេញ លើគម្រោងខ្សែរថភ្លើងអគ្គិសនីនៅរាជធានីភ្នំពេញ។ លោក ស្លូត សំបូរ អនុរដ្ឋលេខាធិការនិងជានាយកខុទ្ទកាល័យក្រសួង បានប្រាប់អ្នកកាសែតថាការចុះហត្ថលេខាលើកិច្ចព្រមព្រៀងស្តីពីគម្រោង សិក្សាខ្សែរទេះ ភ្លើងអគ្គិសនី (Tramway) នៅ រាជធានីភ្នំពេញជាសក្ខីភាពបញ្ជាក់ឱ្យឃើញនូវគោលបំណងរួមគ្នារបស់យើង ក្នុងការផ្តួចផ្តើម និង ពង្រឹងឱ្យកាន់តែរឹងមាំបន្ថែមទៀតបង្កើនកិច្ចសហប្រតិបត្តិការនៃ ការអភិវឌ្ឍវិស័យហេដ្ឋារចនាសម្ព័ន្ធដឹកជញ្ជូនរវាងប្រទេសយើងទាំងពីរ៕ Source: http://www.vayofm.com/index.php?option=com_content&view=article&id=1335:2011-04-02-13-28-56&catid=36:local-economics&Itemid=37 |
Showing posts with label ព័ត៌មានសេដ្ឋកិច្ច. Show all posts
Showing posts with label ព័ត៌មានសេដ្ឋកិច្ច. Show all posts
កម្ពុជានឹងមានខ្សែរថភ្លើងអគ្គិសនីនៅរាជធានី ភ្នំពេញនាពេលខាងមុខ
រោងចក្រដំឡើងរថយន្តរបស់ហ៊ីយ៉ាន់ដាយនឹងបើកឆាប់ៗ
កោះកុងៈ រោងចក្រដំឡើងរថយន្តលើកដំបូងរបស់ហ៊ីយ៉ាន់ដាយ នៅកម្ពុជាសិ្ថតក្នុងខេត្តកោះកុង នឹងចាប់ផ្តើមបើកជាផ្លូវការនៅប៉ុន្មានសប្តាហ៍ខាងមុខនេះ ខណៈដែលរោងចក្រនេះដំឡើងរថយន្តបាន១០០គ្រឿងក្នុងមួយខែរួចស្រេច ទៅ ហើយ។
រោងចក្រនេះ ដំណើរការដោយក្រុមហ៊ុនកាំកូ ម៉ូទ័រ ជាក្រុមហ៊ុនវិនិយោគរួមរវាងហ៊ីយ៉ាន់ដាយ KH ម៉ូទ័រ និងក្រុមហ៊ុន លី យ៉ុងផាត់គ្រុប នៅកម្ពុជា។
លោក Jo Young Dae នាយកប្រតិបត្តិរបស់ កាំកូ ម៉ូទ័រ បានឲ្យដឹង កាលពីម្សិលមិញថា៖ «យើងបានចាប់ផ្តើមដំឡើងរថយន្តបានរវាង ៥០ ទៅ ១០០គ្រឿងក្នុងមួយខែរួចទៅហើយ ហើយយើងកំពុងលក់រថយន្តទាំងនោះ នៅក្នុងទីផ្សារកម្ពុជា»។
ទោះបីជាក្រុមហ៊ុននេះ បានចាប់ផ្តើមដំឡើងរថយន្តនៅដើមឆ្នាំក្តី តែក្រុមហ៊ុនកំពុងរង់ចាំការសម្រេចចិត្តពីពាណិជ្ជករ លី យ៉ុងផាត់ សម្រាប់កាលបរិច្ឆេទបើកសម្ពោធជាផ្លូវការ ដោយមានការអញ្ចើញមន្ត្រីជាន់ខ្ពស់ចូលរួមផងដែរ។ លោក Jo Young Dae ថ្លែងថា៖ «រោងចក្រនេះ នឹងចាប់ផ្តើមបើកឆាប់ៗនេះ»។
រោងចក្រនេះ មានទីតាំងស្ថិតនៅតំបន់សេដ្ឋកិច្ចពិសេសខេត្តកោះកុង ហើយតម្លៃនៃការសាងសង់ត្រូវបានគេរំពឹងថា មានចំនួនសរុប៦២លានដុល្លារ ដែលគេគ្រោងនឹងចាប់ផ្តើមជាបីដំណាក់កាល។
លោក ស៊ុន ដារ៉ា អភិបាលរងខេត្តកោះកុង បានឲ្យដឹង កាលពីម្សិលមិញថា រោងចក្រនេះ នឹងជួយអភិវឌ្ឍសេដ្ឋកិច្ចនៅខេត្តនេះ។ លោកថ្លែងថា៖ «វាជាការល្អ ដែលមានរោងចក្រដំឡើងរថយន្តនៅទីនេះ។ វាអាចបង្កើតការងារកាន់តែច្រើនដល់ប្រជាជនក្នុងខេត្តនេះ និងជួយជំរុញកំណើនសេដ្ឋកិច្ចជាតិ»។
ហ៊ីយ៉ាន់ដាយ នឹងចូលរួមជាមួយក្រុមហ៊ុនផ្សេងទៀត ដែលកំពុងដំឡើងរថយន្តនៅខេត្តព្រះសីហនុ។
ក្រុមហ៊ុន RMA បាននឹងកំពុងដំឡើងរថយន្តសង្គ្រោះរបស់យោធា ប៉ុន្មានឆ្នាំមកហើយ នៅខេត្តព្រះសីហនុ ហើយកំពុងពិចារណាអំពីការដំឡើងរថយន្តបន្ថែមទៀតនៅកម្ពុជាទៀត។ នេះបើតាមលោក Rami Sharaf នាយកប្រចាំប្រទេសរបស់ RMA។
លោកបានឲ្យដឹងថា ការដំឡើងរថយន្តក្នុងស្រុកផ្តល់អត្ថប្រយោជន៍ច្រើនដល់អតិថិជន ដោយទទួលបានតម្លៃថោក។
ក្រុមហ៊ុន RMA បាននាំចូលរថយន្ត Ford មកកម្ពុជា និងផលិតផលផ្សេងៗទៀតដូចជា គ្រឿងចក្រ ហើយក្រុមហ៊ុនក៏ដំណើរការបើកហាងលក់ម្ហូបអាហារ និងភេសជ្ជៈ ដូចជា Pizza Company និង Swensen ដែរ៕
Source: http://postkhmer.com/index.php?option=com_content&view=article&id=55788:2011-04-06-06-41-14&catid=2:business-news&Itemid=77
រោងចក្រនេះ ដំណើរការដោយក្រុមហ៊ុនកាំកូ ម៉ូទ័រ ជាក្រុមហ៊ុនវិនិយោគរួមរវាងហ៊ីយ៉ាន់ដាយ KH ម៉ូទ័រ និងក្រុមហ៊ុន លី យ៉ុងផាត់គ្រុប នៅកម្ពុជា។
លោក Jo Young Dae នាយកប្រតិបត្តិរបស់ កាំកូ ម៉ូទ័រ បានឲ្យដឹង កាលពីម្សិលមិញថា៖ «យើងបានចាប់ផ្តើមដំឡើងរថយន្តបានរវាង ៥០ ទៅ ១០០គ្រឿងក្នុងមួយខែរួចទៅហើយ ហើយយើងកំពុងលក់រថយន្តទាំងនោះ នៅក្នុងទីផ្សារកម្ពុជា»។
ទោះបីជាក្រុមហ៊ុននេះ បានចាប់ផ្តើមដំឡើងរថយន្តនៅដើមឆ្នាំក្តី តែក្រុមហ៊ុនកំពុងរង់ចាំការសម្រេចចិត្តពីពាណិជ្ជករ លី យ៉ុងផាត់ សម្រាប់កាលបរិច្ឆេទបើកសម្ពោធជាផ្លូវការ ដោយមានការអញ្ចើញមន្ត្រីជាន់ខ្ពស់ចូលរួមផងដែរ។ លោក Jo Young Dae ថ្លែងថា៖ «រោងចក្រនេះ នឹងចាប់ផ្តើមបើកឆាប់ៗនេះ»។
រោងចក្រនេះ មានទីតាំងស្ថិតនៅតំបន់សេដ្ឋកិច្ចពិសេសខេត្តកោះកុង ហើយតម្លៃនៃការសាងសង់ត្រូវបានគេរំពឹងថា មានចំនួនសរុប៦២លានដុល្លារ ដែលគេគ្រោងនឹងចាប់ផ្តើមជាបីដំណាក់កាល។
លោក ស៊ុន ដារ៉ា អភិបាលរងខេត្តកោះកុង បានឲ្យដឹង កាលពីម្សិលមិញថា រោងចក្រនេះ នឹងជួយអភិវឌ្ឍសេដ្ឋកិច្ចនៅខេត្តនេះ។ លោកថ្លែងថា៖ «វាជាការល្អ ដែលមានរោងចក្រដំឡើងរថយន្តនៅទីនេះ។ វាអាចបង្កើតការងារកាន់តែច្រើនដល់ប្រជាជនក្នុងខេត្តនេះ និងជួយជំរុញកំណើនសេដ្ឋកិច្ចជាតិ»។
ហ៊ីយ៉ាន់ដាយ នឹងចូលរួមជាមួយក្រុមហ៊ុនផ្សេងទៀត ដែលកំពុងដំឡើងរថយន្តនៅខេត្តព្រះសីហនុ។
ក្រុមហ៊ុន RMA បាននឹងកំពុងដំឡើងរថយន្តសង្គ្រោះរបស់យោធា ប៉ុន្មានឆ្នាំមកហើយ នៅខេត្តព្រះសីហនុ ហើយកំពុងពិចារណាអំពីការដំឡើងរថយន្តបន្ថែមទៀតនៅកម្ពុជាទៀត។ នេះបើតាមលោក Rami Sharaf នាយកប្រចាំប្រទេសរបស់ RMA។
លោកបានឲ្យដឹងថា ការដំឡើងរថយន្តក្នុងស្រុកផ្តល់អត្ថប្រយោជន៍ច្រើនដល់អតិថិជន ដោយទទួលបានតម្លៃថោក។
ក្រុមហ៊ុន RMA បាននាំចូលរថយន្ត Ford មកកម្ពុជា និងផលិតផលផ្សេងៗទៀតដូចជា គ្រឿងចក្រ ហើយក្រុមហ៊ុនក៏ដំណើរការបើកហាងលក់ម្ហូបអាហារ និងភេសជ្ជៈ ដូចជា Pizza Company និង Swensen ដែរ៕
Source: http://postkhmer.com/index.php?option=com_content&view=article&id=55788:2011-04-06-06-41-14&catid=2:business-news&Itemid=77
ធនាគារពិភពលោកថា សេដ្ឋកិច្ចកម្ពុជាបោះជំហ៊ានយឺតបើធៀបទៅនឹងសេដ្ឋកិច្ចរបស់ប្រទេសក្នុងតំបន់
របាយការណ៏ថ្មីបង្អស់របស់ធនាគារពិភពលោក ដែលត្រូវបានគេផ្សព្វផ្សាយឲ្យដឹងជាសាធារណៈកាលពីថ្ងៃចន្ទម្សិល មិញ បានមើលឃើញថា កំណើនសេដ្ឋកិច្ចក្នុងប្រទេសកម្ពុជាបានវិវឌ្ឍន៌ទៅដោយយឺតៗបំផុត បើធៀបទៅនឹងប្រទេសផ្សេងៗទៀតក្នុងតំបន់ ក្នុងឆ្នាំ២០១០នេះ។
ប៉ុន្តែយ៉ាងណាក៏ដោយ របាយការណ៏ស្តីពីកំណើនសេដ្ឋកិច្ចនៅក្នុងប្រទេសកំពុងអភិវឌ្ឍន៏របស់ធនា គារពិភពលោកនេះ ក៏បានបង្ហាញឲ្យដឹងផងដែរថា នៅក្នុងប្រទេសកម្ពុជាឧស្សាហកម្មតម្លៃបន្ថែមបាន ឡើងជិត៣ដងក្នុងរយៈពេល២ទស្សវត្សរ៍ចុងក្រោយនេះ បើទោះជាចាប់ពីមូលដ្ឋានកម្រិតទាបមួយក៏ដោយ ហើយចំនួនកម្មករក៏កើនឡើងដូច្នេះដែរ។ ដែលធ្វើឲ្យធនាគារខ្នាតធំរបស់សហរដ្ឋអាមេរិកមួយនេះព្យាករណ៏ថា សេដ្ឋកិច្ចកម្ពុជាអាចនឹងកើនឡើងដល់៦ភាគរយក្នុងឆ្នាំ២០១១ ខណៈដែលប្រទេសកំពុងអភិវឌ្ឍន៏នានានៅអាស៊ីបូព៌ា វាលែងតែប្រទេសចិន និងមានកំណើនជាមធ្យមត្រឹមតែ៥,២ភាគរយប៉ុណ្ណោះ។
ប៉ុន្តែការចាប់ផ្តើមបោះជំហ៊ានទៅមុខរបស់ប្រទេសកម្ពុជា បន្ទាប់ពីវិបត្តិសេដ្ឋកិច្ចសកលដើម្បីឲ្យឈានដល់៦ភាគរយនោះ ធនាគារពិភពលោកក៏បានក្រើនរំលឹកផងដែរថា កម្ពុជាត្រូវតែពង្រឹងសមត្ថភាពខ្លួន ឯងជាមុនសិនក្នុងការធ្វើសមាហរណកម្មឧស្សាហកម្មរបស់ខ្លួនទៅក្នុងបណ្តាញផលិតកម្មក្នុងតំបន់។
សេដ្ឋកិច្ចរបស់ប្រទេសកម្ពុជាបច្ចុប្បន្នត្រូវបានគេកត់សម្គាល់ឃើញថា ត្រូវបានពឹងផ្អែកមួយផ្នែកធំទៅលើវិស័យឧស្សាហកម្មវាយនភ័ណ្ឌ ដែលជាញយដងប្រឈមនឹងភាពរអាក់រអួលដោយសារការតវ៉ារបស់កម្មករ និងមួយផ្នែកទៀតពឹងផ្អែកលើការនាំចេញផលិតផលកសិកម្ម។
លោក ចាន់ សុផល ប្រធានសមាគមសេដ្ឋកិច្ចកម្ពុជាបានមើលឃើញថា ប្រទេសកម្ពុជាមិនទាន់មាន សមត្ថភាពកែច្នៃគ្រប់គ្រាន់សម្រាប់ផលដំណាំភាគច្រើននៅក្នុងប្រទេសនៅឡើយទេ, ចំណែកឯសោហ៊ុយដែលចំណាយលើការដឹកជញ្ជូនឆ្លងប្រទេស ក៏មានតម្លៃខ្ពស់ផងដែរ។ ដូច្នេះកម្ពុជាត្រូវតែធ្វើយ៉ាងណាដើម្បីពង្រឹងសមត្ថភាពរបស់ខ្លួនជាមុនសិន ដោយក្នុងនោះរួមមានទាំងធនធានមនុស្សផង ក្នុងគោលដៅធ្វើយ៉ាងណាដើម្បីឲ្យសែសង្វាក់ផលិតកម្មរបស់ខ្លួនមានគុណភាព និងបរិមាណសមស្របសម្រាប់ធ្វើការនាំចេញ៕
Source: http://www.kmsdaily.com
កំណើននៃការនាំចេញពោតរយៈពេល២ខែដំបូងបានហក់ឡើងជិត៤០ភាគរយ
- Tuesday, 05 April 2011 11:50
- សៀម ប៊ុនធី
យោងតាមស្ថិតិខាងលើ ការនាំពោតចេញរយៈពេលពីរខែនៅឆ្នាំ នេះមានចំនួន ៦៦៩៤តោន កើនឡើង ៣៨ភាគរយបើប្រៀបធៀបទៅនឹង រយៈពេលដូចគ្នាពីឆ្នាំមុនដែលមានត្រឹមតែ៤៨៤១តោនប៉ុណ្ណោះ។ ស្ថិតិដដែលបង្ហាញទៀតថា ការនាំចេញពោតនៅរយៈពេលពីរខែក្នុងឆ្នាំនេះមានតម្លៃជាង ២៨ម៉ឺនដុល្លារ លើសរយៈពេលដូចគ្នាពី២០១០ប្រមាណ ៦ម៉ឺនដុល្លារ។
លោក ឃួន សាវុធ ប្រធានការិយាល័យស្ថិតិនៃអគ្គនាយកដ្ឋានកាំកុងត្រូលមាន ប្រសាសន៍ថា ការនាំចេញមានការកើនឡើងនេះ ដោយសារតែពោតឆ្នាំនេះទទួលបាន ផលល្អ និងមានតម្លៃខ្ពស់ផងដែរ។ លោកបញ្ជាក់ថា៖ «ការកើនឡើងនូវទិន្នផលពោត ហើយព្រមទាំងវាមានតម្លៃខ្ពស់ទៀតនោះ និងអាចជួយឲ្យពួកគាត់[កសិករ]មានជីវភាព ធូរធារថែមមួយកម្រិតទៀត»។
ពោតភាគច្រើនត្រូវបានឈ្មួញនាំចេញទៅលក់នៅប្រទេសថៃ និងកោះតៃវ៉ាន់។
លោក ជា គារ ប្រធានក្រុមហ៊ុន PBCK អភិវឌ្ឍន៍ជាក្រុមហ៊ុននាំកសិផលទៅ លក់នៅប្រទេសថៃបានឲ្យដឹងថា ក្រុមហ៊ុនលោកទើបតែបើកដំណើរការទិញពោតពីប្រជាពលរដ្ឋនៅ ខេត្តប៉ៃលិននៅឆ្នាំនេះ ដោយប្រមូលទិញ បានជិតមួយម៉ឺនតោន។ លោកមិនបានបង្ហាញពីចំនួន នៃការនាំចេញនៅរយៈពេលពីរខែដំបូងក្នុងឆ្នាំនេះទេ តែលោកបានបញ្ជាក់ថា មកដល់ពេលនេះ ក្រុមហ៊ុននាំចេញបានប្រមាណ ៦ពាន់តោនហើយ ហើយមានគម្រោងនាំចេញ៣ពាន់តោនទៀត។ លោកអះអាងថា៖ «ផលពោតនៅឆ្នាំនេះគឺមានកំណើនច្រើនជាងឆ្នាំមុន ហើយតម្លៃក៏ខ្ពស់ផងដែរ»។
តាមលោក ជា គារ តម្លៃពោតស្ងួតពេលនេះកើនឡើងជាង៣៣ភាគរយ គឺជាង៨០០រៀលក្នុងមួយគីឡូក្រាម ធៀបនឹងឆ្នាំទៅ ដែលមានតម្លៃតែជាង៦០០រៀលប៉ុណ្ណោះ។ លោកបន្ថែមថាក្រុមហ៊ុនលោកនឹងប្រមូលទិញពោត៥ម៉ឺនតោននៅ ឆ្នាំនេះ។
អ្នកស្រី ឈន់ សារិម កសិករដាំពោតនៅខេត្តប៉ៃលិន លើកឡើងថាកាលពី២០១០ កសិករនៅខេត្តប៉ៃលិននាំគ្នាសម្រុកដាំពោតច្រើនទើបធ្វើឲ្យកំណើន ទិន្នផលពោតកើនមកដល់ឆ្នាំនេះ។
នៅឆ្នាំនេះកសិករភាគច្រើនបានងាកមកដាំដំឡូងមីជំនួសដំណាំ ផ្សេង ទៀត ខណៈកម្ពុជាបានរកទីផ្សារថ្មីសម្រាប់ដំណាំនេះ ពោលគឺទីផ្សារនៅចិន។ តែ ឈន់ សារិម បញ្ជាក់គាត់នៅតែបន្តដំាពោតដដែល៖ «នៅឆ្នាំនេះខ្ញុំដាំពោតច្រើនជាងដាំដំឡូង ព្រោះវាមានតម្លៃខ្ពស់ជាងរាល់ឆ្នាំ។ ម៉្យាងទៀតដោយកសិករភាគច្រើននាំគ្នាសម្រុកដាំដំឡូងច្រើន ដូច្នេះពោត នឹងអាចមានតម្លៃកាន់តែខ្ពស់»។
កាលពីឆ្នាំ២០១០ ការនាំចេញពោតសរុបមានចំនួន ៨៦ ៥៣៣,៦៦ តោន មានតម្លៃជាង៤លាន៥សែនដុល្លារ៕
Source: http://postkhmer.com/index.php?option=com_content&view=article&id=55695:2011-04-05-04-52-30&catid=2:business-news&Itemid=77
ប្រាក់រៀលឡើងថ្លៃ បើធៀបនឹងដុល្លារអាមេរិក
ស្ថិតិរបស់ក្រសួងពាណិជ្ជកម្មបានបង្ហាញថា១ដុល្លារអាមេរិក អាចប្តូរបាន ៣ ៩៩៧ រៀល កាលពីម្សិលមិញ។ តម្លៃនេះ ទាបជាងកាលពីមួយសប្តាហ៍មុន ដែលមួយដុល្លារ ប្តូរបាន៤ ០៣៥រៀល និងខ្ពស់ជាង កាលពីរដូវក្តៅឆ្នាំ២០១០ ដែលមានអត្រា ៤ ២៥០រៀលក្នុងមួយដុល្លារអាមេរិក។
អ្នកស្រី សៀង លឹម ម្ចាស់ហាងប្តូរប្រាក់ហាងប្តូរប្រាក់លី ហួរ បានសង្កេតឃើញថា រូបិយប័ណ្ណក្នុងស្រុក បានឡើងថ្លៃយ៉ាងឆាប់រហ័ស បើធៀបនឹងដុល្លារ។ អ្នកស្រីមានប្រសាសន៍ថា៖ «យើងខ្វះខាតចរាចរប្រាក់រៀល នៅលើទីផ្សារ។ នេះដោយសារតម្រូវការប្រាក់រៀលកើនឡើងក្រោយពីរដូវប្រមូលផលរួច ធ្វើឲ្យអាជីវករត្រូវការប្រាក់រៀល ដើម្បីទិញស្រូវឬផលិតផលកសិកម្មផ្សេងៗទៀត»។ទោះបីជាយ៉ាងណាក៏ដោយ លោក Suzuki Hiroshi អគ្គនាយកនៅវិទ្យាស្ថានស្រាវជ្រាវពាណិជ្ជកម្មកម្ពុជាបានឲ្យ ដឹងថា រដូវប្រមូលផល ជាហេតុផលទីពីរដែលស្ថិតនៅពីក្រោយការឡើងថ្លៃនៃប្រាក់រៀល។
លោក Suzuki Hiroshi បានបន្ថែមទៀតថា ដុល្លារអាមេរិកកំពុងតែចុះថោក ធៀបនឹងរូបិយប័ណ្ណអន្តរជាតិផ្សេងៗទៀត ជាពិសេសអឺរ៉ូ និងយន់។ លោកបានលើកឡើងថា៖ «ហេតុផលទីពីរគឺរដូវកាលចូលឆ្នាំខ្មែរ ដូច្នេះនៅជនបទត្រូវការប្រាក់រៀលជាខ្លាំង»។ លោកបន្តថា ការឡើងថ្លៃនៃប្រាក់រៀល នឹងបង្កើតអំណាចទិញនៅកម្ពុជា ដែលអាចទូទាត់ដល់ការកើនឡើងតម្លៃប្រេង លើទីផ្សារអន្តរជាតិ។
លោកជា សុខ ប្រធានធនាគារអេស៊ីលីដាបានឲ្យដឹងថា ជាទូទៅកម្ពុជាត្រូវការប្រាក់ដុល្លារសម្រាប់នាំចូលទំនិញ ដែលជាញឹកញាប់ទំនិញទាំងនោះ លក់ជាប្រាក់រៀលវិញ។
លក្ខខណ្ឌរបស់រដ្ឋាភិបាល ក្នុងការបង់ពន្ធជាប្រាក់រៀល បានរួមចំណែកធ្វើឲ្យតម្លៃប្រាក់រៀលឡើងថ្លៃ ដោយសារប្រាក់រៀល ត្រូវបានប្រើប្រាស់យ៉ាងទូលំទូលាយ។
លោក Suzuki Hiroshi ឲ្យដឹងថាធនាគារកណ្តាល តាំងចិត្តរក្សាតម្លៃប្រាក់រៀល ឲ្យនៅមានស្ថិរភាព ពោលគឺស្ថិតនៅចន្លោះ៤០០០ និង៤២០០រៀល។
លោកបន្តថាស្ថានភាពនាពេលបច្ចុប្បន្នមិនបានចោទជាបញ្ហាឡើយ ប៉ុន្តែធនាគារជាតិគួរអន្តរាគមន៍ ប្រសិនបើអត្រាប្តូរប្រាក់ឡើងចុះខ្លាំងពេក។
លោក ស៊ុម សន្និសីទ អគ្គលេខាធិការធនាគារជាតិ បានឲ្យដឹងថា គោលដៅរបស់ធនាគារនេះគឺស្ថិរភាពអត្រាប្តូរប្រាក់ខ្លាំង ដោយលោកបានបន្ថែមទៀតថា៖ «យើងមិនចង់ឲ្យវាឡើងថ្លៃ ឬចុះថ្លៃខ្លាំងទេ»៕
Source: http://postkhmer.com/index.php?option=com_content&view=article&id=55693:2011-04-05-04-45-14&catid=2:business-news&Itemid=77
Subscribe to:
Posts (Atom)