- ឈឺពោះ ហើមពោះ ឆ្អល់ពោះ : ច្របាច់ពីទឹកក្រូចមួយចំហៀងផ្លែ លាយជាមួយទឹកអំពៅ ឬស្ករផែនរួចទទួលទាន ព្រោះវាជួយបន្ថយសកម្មភាពច្របាច់របស់ពោះវៀនឲ្យយឺតវិញ ។ - ព្យាបាលរោគក្រពះ : ច្របាច់ផ្លែក្រូចឆ្មារឲ្យចេញទឹកអស់នៅសល់តែសម្បក បន្ទាប់មកយកសម្បកឆៅទៅដាំទឹកឆុងផឹក ព្រោះជាឱសថបណ្តេញខ្យល់ និងព្យាបាលរោគក្រពះ ។ ជាតិប្រេងពីសម្បកផ្លែក្រូចឆ្មារមានប្រសិទ្ធភាពក្នុងការផ្សះដំបៅ ជួយឲ្យក្រពះឆាប់ជាសះស្បើយ ។
- ព្យាបាលអាការក្តៀនលាមក : ឆុងទឹកក្រូចឆ្មារជាមួយនឹងទឹកក្តៅប្រមាណជា ១ កែវកាហ្វេ លាយអំបិលបន្តិចបន្តួច ហើយទទួលទានវាភ្លាមៗក្រោយពេលភ្ញាក់ពីដំណេកពេលព្រឹក ព្រោះវាជួយជំរុញសកម្មភាពរបស់ពោះវៀនឲ្យបត់ជើងធំតាមធម្មជាតិ ។
- ព្យាបាលរោគរាករូស : នៅប្រទេសឥណ្ឌា គ្រូពេទ្យឱសថបុរាណបានណែនាំឲ្យប្រើទឹកក្រូចឆ្មារ លាយជាមួយទឹកស្អាតក្នុងសីតុណ្ហភាពធម្មតា ទទួលទានរហូតដល់អាការរាករូសបានធូរស្បើយ ។
- ព្យាបាលជាតិពុលក្នុងអាហារ : ប្រើទឹកក្រូចឆ្មារលាយជាមួយទឹកកំបោរ បន្ថែមអំបិលបន្តិចឲ្យមានរសជាតិប្រៃឡែមៗទទួលទាន ១ ស្លាបព្រាបាយ មុនពេលបរិភោគអាហារ ដើម្បីជួយសម្លាប់បាក់តេរីនៅក្នុងក្រពះ ដែលជាមូលហេតុធ្វើឲ្យលោកអ្នករាករូស ៕
Source: http://knowledge.cen.com.kh/index.php?option=com_content&view=article&id=988:2011-02-17-04-31-22&catid=51:2010-12-10-02-41-42&Itemid=79
