នៅក្នុងវិស័យវេជ្ជសាស្ត្របុរាណ ឪឡឹកមានគុណប្រយោជន៍ច្រើនណាស់ដូចជា ធ្វើថ្នាំប៉ូវជួយឲ្យបាយបាន ជួយចម្រើនអាហារប្រើជាថ្នាំជួយរំលាយអាហារ និងជាថ្នាំបញ្ចុះទឹកមូត្រ ។ ឪឡឹកពុំមែនគ្រាន់តែជាថ្នាំត្រជាក់បញ្ចុះកម្ដៅប៉ុណ្ណោះទេ តែក៏ជាឱសថព្យាបាលរោគផ្សេងៗទៀតផងដែរ ។ឪឡឹកមានជាតិទឹកច្រើនដល់ទៅ ៩៥% ដែលអាចចាត់ទុកជាផ្លែឈើប្រភេទភេសជ្ជៈផងដែរ ។ ក្រៅពីនោះវាមានស្ករគ្លុយកូស ហ្វុកកូស វីតាមីនB វីតាមីន C និងអំបិលរ៉ែជាច្រើនប្រភេទ ។
បើមានជំងឺរលាកតម្រងមូត្ររ៉ាំរ៉ៃ គឺយកសម្បកឪឡឹកកាត់ជាដុំតូចៗ ដាក់ស្ងោររំម្ងាស់ក្នុងរហូតដល់ឡើងខាប់ ហើយយកមកពិសា ១-២ ស្លាបព្រាបាយចំនួនពីរដងក្នុងមួយថ្ងៃ ដោយពិសាលាយជាមួយទឹកឆ្អិន ៕
Source: http://knowledge.cen.com.kh/index.php?option=com_content&view=article&id=1062:2011-03-01-02-55-46&catid=51:2010-12-10-02-41-42&Itemid=79
