ជ្រញ់ ឈើ គឺជាឧបករណ៍ក្នុងផ្ទះបាយមួយ ដែលពិបាកក្នុងការសម្អាត ព្រោះទឹកដែលមាននៅក្នុងអាហារដែលអ្នកហាន់ នឹងជ្រាបចូលទៅក្នុងសាច់ឈើ ។ ម្យ៉ាងទៀត កម្ទេចអាហារដែលតោងជាប់នៅក្នុងចន្លោះឈើ នឹងធ្វើឲ្យមានក្លិនមិនល្អថែមទៀត ។វិធីសម្អាតជ្រញ់ឈើឲ្យបានស្អាតល្អ គឺអ្នកគួរប្រើអំបិលម៉ដ្ឋរោយឲ្យសព្វ លើមុខរបស់ជ្រញ់ បន្ទាប់មកអ្នកត្រូវពុះក្រូចឆ្មារជា ២ ចំហៀង រួចយកទៅត្រដុសពីលើអំបិលឲ្យសព្វលើផ្ទៃជ្រញ់ ។ អ្នកគួរធ្វើបែបនេះឲ្យបាន ២-៣ ដង រួចទើបលាងសម្អាតចេញ ដោយប្រើទឹកក្ដៅខ្លាំង ហើយយកក្រណាត់ស្អាតមកជូត និងយកទៅហាលថ្ងៃជាការស្រេច ៕
Source: http://knowledge.cen.com.kh/index.php?option=com_content&view=article&id=1047:2011-02-26-03-02-16&catid=38:woman-and-house-work&Itemid=57
