វិធី ងាយៗជួយអ្នកឲ្យស្រស់ស្រាយគឺការងូតទឹកក្តៅឧណ្ហៗជាមួយសម្បកក្រូច ។ វិធីនោះគឺយកផ្លែក្រូចពោធិ៍សាត់ មួយផ្លែមកចិតយកតែសម្បក បន្ទាប់មកបើកទឹកក្តៅឧណ្ហឲ្យពេញអាង រូចហើយជ្រើសយកតែសម្បកក្រូចបង់ចូលទៅក្នុងអាង ងូតទឹក តែមុននឹងបង់ចូល សូមណែនាំឲ្យឈ្លីសម្បកក្រូចបន្តិចដើម្បីឲ្យចេញជាតិប្រេងក្រអូប ។ពេលនោះអ្នកនឹងទទួលបានទឹកសម្រាប់ងូតដែលមានគុណសម្បិត្តជួយភ្ញោច ចរន្តឈាមឲ្យមានដំណើរការកាន់តែល្អជួយផ្តល់ភាពកក់ក្តៅដល់រាងកាយ ជួយពង្រឹងប្រព័ន្ធការពារក្នុងរាងកាយ ។ ចំណែកប្រេងក្រអូបពីសម្បកក្រូចវិញ មានគុណសម្បតិ្តពិសេសជួយសម្រួលធ្វើឲ្យដេកលក់ស្រួលអស់កង្វល់ពេញ មួយយប់ លុះព្រឹកព្រលឹមឡើងនៅតែស្រស់ស្រាយប្រៀបដូចជាទើបនឹងចេញពីស្ប៉ា (Spa) ហើយថ្មីៗយ៉ាងដូច្នោះដែរ ។
Source: http://knowledge.cen.com.kh/index.php?option=com_content&view=article&id=1078:01-04-2011&catid=34:2010-06-18-06-48-24&Itemid=53
