កូនតូច ដែលមើលទូរទស្សន៍ ៦០ នាទីក្នុងមួយថ្ងៃ ពិសេសកម្មវិធីដែលផលិតឡើងសម្រាប់មនុស្សធំ ឬកុមារធំៗ នឹងមានការលូតលាស់នៃខួរក្បាលផ្នែកការគិត និងការវិវឌ្ឍន៍ផ្នែកភាសាយឺតយ៉ាវជាងធម្មតា ពេលអាយុ ១៤ ខែព្រោះថា ក្នុងពេលមើលទូរទស្សន៍ទាំងកូនតូច និងឪពុកម្តាយ ខ្វះការនិយាយស្តី បង្កើនទំនាក់ទំនង ដើម្បីជំរុញការរៀនសូត្រ និងការគិតរបស់កូនតូច ដែលជាកត្តាសំខាន់ក្នុងការវិវឌ្ឍន៍របស់ខួរ ។ ការសិក្សាស្រាវជ្រាវពីសហរដ្ឋអាមេរិក ដោយការតាមដានការប្រព្រឹត្តិរបស់គ្រួសារ ដែលមានចំណូលតិច និងគ្រួសាររបស់ជនជាតិអេស្ប៉ាញ ចំនួន ២៥៩ គ្រួសារបានរកឃើញថា ឪពុកម្តាយទាំងនេះតែងតែមានទំនាក់ទំនងគ្នាតិច (ដូចជា ការអាចសៀវភៅឲ្យកូនស្តាប់ ឬការបង្រៀនកិច្ចការផ្ទះដល់កូន) គឺតិចជាងគ្រួសារដែលមិនឲ្យកូនមើលទូរទស្សន៍ ។
ការអានសៀវភៅឲ្យកូនស្តាប់ គឺជាកត្តាសំខាន់ ក្នុងការបង្កើតទំនាក់ទំនងក្នុងគ្រួសារ និងជំរុញការវិវឌ្ឍន៍លូតលាស់របស់កូន ព្រោះឪពុកម្តាយអាចក្លាយជាមិត្តដ៏ល្អរបស់កូន និងធ្វើឲ្យកូនមានសេចក្ដីសុខកាន់តែច្រើន ។ ក្រៅពីនេះ នៅមានពេលក្នុងការធ្វើកិច្ចការផ្សេងៗទៀតដូចជា ការទទួលទានអាហាររួមគ្នា ឬមានពេលងូតទឹកឲ្យកូនកាន់តែច្រើន ៕
Source: http://knowledge.cen.com.kh/index.php?option=com_content&view=article&id=1038:2011-02-25-03-27-16&catid=49:family-and-child&Itemid=78
