ជាដំបូង ត្រូវត្រៀមរបស់របរដែលត្រូវប្រើ ដាក់ឲ្យនៅជិតដៃ ។ ចាក់ទឹកក្ដៅឧណ្ហៗក្នុងផើង ឲ្យបានប្រហែល ៣ ថ្នាំងដៃ តែអ្នកម្ដាយត្រូវលាងដៃឲ្យស្អាត និងជ្រលក់កែងដៃក្នុងទឹកមើលថា មិនក្ដៅ ឬត្រជាក់ពេក មុននឹងងូតទឹកឲ្យកូន... ។១. ដោះសម្លៀកបំពាក់កូនចេញ រុំខ្លួនដោយកន្សែងពោះគោ ។
២. ប្រើសំឡីជ្រលក់ទឹកសើមល្មម ជូតពីគល់ភ្នែកទៅដល់កន្ទុយភែ្នកទាំងសងខាង ប្ដូរសំឡី ជូតថ្ងាស ថ្ពាល់ គន្លាក់ក និងក្រោយគុម្ពត្រចៀក ។ ប្រើសំឡីដុំធំ ជូតមុនកូនឲ្យស្ងួត ដើម្បីកុំឲ្យឆ្លងមេរោគ ។
៣. រុំខ្លួនកូន ដើម្បីត្រៀមកក់សក់ ។
៤. ដាក់ក្មេងលើកម្រាលកន្សែងពោះគោ រួចប្រើសំឡីជ្រលក់ទឹកសាប៊ូ ជូតប្រដាប់ភេទ ពីមុខរហូតដល់ក្រោយ ។
៥. សម្អាតសាប៊ូខាងមុខ រួចត្រឡប់ខ្លួនដុសសាប៊ូខាងក្រោយវិញ ប៉ុន្ដែកុំឲ្យយូរពេក ខ្លាចទារករងា រូចប្រើអេប៉ុងជ្រលក់ទឹក ជូតស្មា ក្លៀក និងដើមដៃកូន ។
៦. ប្រើដៃឆ្វេងទ្រកូនក្រោម-ក និងស្មា ឯដៃស្ដាំក្បង់ទឹកដាក់លើខ្លួនកូនស្រាលៗ ។
៧. ប្ដូរដៃស្ដាំត្រឡប់កូនផ្កាប់លើដៃម្ដាយ រួចក្បង់ទឹកលាងខ្នងកូនឲ្យស្អាត កុំទុកកូនត្រាំទឹកយូរពេក ។
៨. ប្រើកន្សែងពោះគោ រុំកូនមួយសន្ទុះសិន មុននឹងជូតឲ្យស្អាត ។
៩. ធ្វើការសម្អាតផ្ចិត និងប្រើសំឡីជូតគូទឲ្យស្ងួត ។
១០. លាបឡេ ឬម្ស៉ៅកូនក្មេងស្រាលៗ ដោយយកមកញីលើដៃម្ដាយរួចទើបលាបលើខ្លួនកូនតូច ៕
Source: http://knowledge.cen.com.kh/index.php?option=com_content&view=article&id=933:2011-02-08-03-25-37&catid=49:family-and-child&Itemid=78
