៙ គ្រឿងផ្សំ
ពោះវៀនជ្រូក (ពោះវៀនធំស្ងោរឆ្អិន) ៤០០ ក្រាម, ឈាមមាន់ ១ ដុំ, ស្ពៃជូរ ១៥០ ក្រាម, ខ្ទឹមស ៤ កំពឹស (ហាន់ជាបន្ទះ), ដើមខ្ទឹមប្រភេទស្លឹកសំប៉ែត ១ ដើម (ហាន់ជាកង់ៗបញ្ឆិត), ទឹកស៊ុប ៣ កែវ និងខ្លាញ់ ៣ ស្លាបព្រាបាយ ។
៙ គ្រឿងផ្សំរសជាតិ
១. ម្រេចគ្រាប់ ២ ស្លាបព្រាបាយ, ទឹកសៀងរសជាតិហឹរ ២ ស្លាបព្រាបាយ, ស្រា ២ ស្លាបព្រាបាយ និងទឹកស៊ីអ៊ីវ ២ ស្លាបព្រាបាយ ។
២. ស្ករ ១ ស្លាបព្រាកាហ្វេ, អំបិលបន្ដិចបន្តួច, ម្រេចម៉ដ្ឋ ១ ស្លាបព្រាកាហ្វេ, និងទឹកម្សៅឆាបន្តិចបន្តួច ។
៙ វិធីធ្វើ
១. កាត់ពោះវៀនជ្រូកជាកង់ៗ លាយឈាមមាន់ឲ្យស្អាត និងពុះជាដុំៗ ។
២. ហាន់ស្ពៃជូរជាបន្ទះ លាងទឹក និងដាក់ត្រាំក្នុងទឹកមួយសន្ទុះ ដើម្បីកាត់បន្ថយជាតិប្រៃ ទើបស្រង់ចេញទុកប្រើការ ។
៣. ដាក់ខ្លាញ់ក្នុងឆ្នាំង និងបំពងខ្ទឹមស ម្រេចគ្រាប់ រួចហើយចាក់គ្រឿងផ្សំរសជាតិ(១) ចូលឆាត្រឡប់មួយស្របក់ ទើបចាក់ទឹកស៊ុបដាក់ឈាមមាន់, ពោះវៀនជ្រូក និងស្ពៃជូរចូលស្ងោរដោយប្រើភ្លើងតិចៗ ស្ងោររំងាស់រយៈពេលពី ១៥-២០ នាទី ។
៤. បន្ទាប់មកចាក់គ្រឿងផ្សំរសជាតិ (២) ចូល និងដាក់មើមខ្ទឹមរួចស្ងោររំងាស់រយៈពេល ៣ នាទី ទើបដួសដាក់ចានទុកជាការស្រេច ៕
Source: http://knowledge.cen.com.kh/index.php?option=com_content&view=article&id=1008:2011-02-22-03-54-49&catid=37:how-to-cook-food&Itemid=56