ស្រ្តីភាគច្រើនបានដឹងហើយថា ទឹកដោះគោជូរ និងទឹកឃ្មុំមិនមែនគ្រាន់តែជាអាហារដែលយើងទទួលទាន ប៉ុណ្ណោះទេ ប៉ុន្តែនៅក្នុងទឹកដោះគោជូរ និងទឹកឃ្មុំអាចសម្បូរទៅដោយវិតាមីន និងធាតុរ៉ែជាច្រើនសន្ធឹកសន្ធាប់ដែលមានប្រយោជន៍ចំពោះ
សុខភាពស្បែក។
សុខភាពស្បែក។
ទាំងជាតិអង់ទីអុកស៊ីឌែន វិតាមីនB អាស៊ីដអាមីណូ ដែលមានប្រយោជន៍ចំពោះសុខភាព និងជួយពន្យារការចុះខ្សោយនៃកោសិការបស់យើងបាន ហើយអាចនាំយកគុណប្រយោជន៍ទាំងអស់នេះមកប្រើក្នុងការបំប៉ន ស្បែកមុខបាន រួមទាំងការសម្អាតស្បែក បង្ហាប់រន្ធរោម បំប៉នស្បែកឲ្យមានសំណើម និងការពារការកើតស្នាមជ្រីវជ្រួញ។
វិធីនេះមិនពិបាកទេ ដោយគ្រាន់តែប្រើទឹកដោះគោជូរមួយពែងផ្សំជាមួយនឹងទឹកឃ្មុំសុទ្ធ ២ស្លាបព្រាកាហ្វេ។ សម្រាប់មនុស្សដែលមានស្បែកខ្លាញ់ គួរបន្ថែមក្រូចឆ្មារចូលបន្តិចដើម្បីជួយផ្តិតយកជាតិខ្លាញ់ដែល លើសផ្សំឲ្យចូលគ្នាបានល្អ រួចនាំមកបិទបំពោកឲ្យពេញផ្ទៃមុខ និងដើមក លើកលែងតែបរិវេណជុំវិញត្របកភ្នែកទុកចោលរយៈពេល៥នាទី រួចលាងចេញដោយទឹកស្អាតបន្ទាប់មកជូតផ្តិតឲ្យស្ងួត។ គួរអនុវត្តបែបនេះ១សប្តាហ៍១-២ដង។
វិធីនេះ ក្រៅពីជួយសម្អាតស្បែកមុខហើយអាស៊ីឡេកទិកនៅក្នុងទឹកដោះក៏អាចជួយ បំប៉នស្បែកឲ្យទន់ស្អាត។ ចំណែកទឹកឃ្មុំវាជួយបង្កើនភាពសំណើមដល់ស្បែកធ្វើឲ្យស្បែកបាន ស្រស់ក្មេងជាងវ័យមិនចាស់ជ្រីវជ្រួញ៕
