សុភាពស្រ្តីទាំងឡាយភាគច្រើនតែងតែខ្វល់ខ្វាយបំផុតអំពីស្នាម ជ្រីវជ្រួញ រោគមុនមុខ រោគរបកស្បែក មុខឡើងអាចម៍ រុយ រួមទាំងបញ្ហាស្បែកឡើងសង្វារ ដែលធ្វើឲ្យសុភាពស្រ្តី បាត់បង់នូវទំនុក ចិត្ត លើខ្លួនឯងផងដែរ។
ស្បែកឡើងសង្វារវាកើតចេញពីស្បែកដែលមានការពន្យារខ្លួន ខុសធម្មតានិងមានរយៈពេលជាប់តៗគ្នាយ៉ាងយូរ។ លក្ខណៈបែបនេះនឹងធ្វើឲ្យកើតនូវស្ថានភាពស្បែកប្រេះបែកឬក៏ អាចកើតចេញនូវស្នាមសង្វារដែលភាគច្រើន អាការៈបែបនេះកើតមានទៅលើអ្នកដែលមានរោគធាត់និងមានអាការៈហើមទឹក ស្រ្តីមានគភ៌រួមទាំងមនុស្សដែលប្រើប្រាស់ថ្នាំក្នុងក្រុមSteroids ជាប់ ជាប្រចាំ។
បញ្ហាស្បែកឡើងស្នាមសង្វារនេះគេមិនអាចព្យាបាលឲ្យជាដាច់ បាននោះទេក៏ប៉ុន្តែគេអាចព្យាបាលការពារនិងកាត់បន្ថយអាការៈស្នាម សង្វារនេះឲ្យចុះតិចទៅវិញបាន គឺអាចយកអំពិលទុំមកត្រដុសនិងសំអាតនៅត្រង់បរិវេណស្បែកឡើងសង្វារ ឲ្យបានរាល់ថ្ងៃ ព្រោះវាជួយកំចាត់នូវកោសិកាដែលងាប់ទៅហើយនោះឲ្យជ្រុះចេញព្រមទាំង ជួយលុបបំបាត់ស្នាមខ្មៅនិងស្នាមស្បែកសង្វារនោះឲ្យថយចុះតិចទៅ វិញបាន។
វិធីការពារស្បែកឡើងសង្វារគឺត្រូវឧស្សាហ៍លាបវីតាមីនEឲ្យបានរាល់ ថ្ងៃ ជាពិសេសស្រ្តីមានផ្ទៃពោះ ព្រោះវីតាមីន E វា ជួយបង្កើតខលឡាជែននៅត្រង់ស្បែកបានព្រមទាំងជួយបំប៉នស្បែកឲ្យមាន សំណើម។ ម្យ៉ាងទៀតជួយការពារស្នាមជ្រីវជ្រួញថែមទាំងជួយព្យាបាលស្នាមជាំ ខ្មៅនិងសរសៃឈាមវៀចប៉ោងបានផងដែរ៕