-ស្បែកមុខធម្មតាៈ មនុស្សមួយភាគធំដែលមានស្បែកមុខធម្មតា គឺច្រើនមានជាតិខ្លាញ់ស្រោបស្តើងៗនៅលើបរិវេណស្បែកថ្ងាស និងច្រមុះ ហើយមានបរិមាណច្រើនជាងនៅត្រង់ថ្ពាល់។ ស្របពេលគ្នានោះដែរស្បែកនៅត្រង់ជុំវិញកែវភ្នែកនិងត្រង់ចំណែក ថ្ពាល់ចុះមកដល់.កហាក់មានសភាពស្ងួតជាងបរិវេណដទៃទៀត។ ចំពោះការមើលថែទាំសំអាតគឺគួរលុបលាងផ្ទៃមុខដោយសាប៊ូខ្សោយៗ ហើយក៏មិនគួរប្រើឡូសិនដែលមានចំណែកផ្សំពីអាល់កុល ព្រោះវាអាចធ្វើឲ្យស្បែករបស់អ្នកក្លាយទៅជាក្រៀមស្ងួតបាន។ រីឯការប្រើប្រាស់ម៉យជឺរ៉ាយសឺវិញគួរលាបតែចំពោះបរិវេណថ្ពាល់និង ស្បែកនៅជុំវិញភ្នែក ដើម្បីការពារការកើតស្នាមជ្រីវជ្រួញ។
-ស្បែកមុខខ្លាញ់ៈ សំរាប់ស្បែកមុខប្រភេទនេះច្រើនឡើងខ្លាញ់នៅត្រង់ថ្ងាស ចង្កា និងច្រមុះ ហើយស្បែកប្រភេទនេះក៏មិនងាយកើតមានស្នាមជ្រីវជ្រួញជាងអ្នកមាន ស្បែកស្ងួតផងដែរ និងការសំអាតស្បែកក៏មានលក្ខណៈពិបាកជាងទៀតផង ពីព្រោះមានហេតុផលថា ខ្លាញ់ពីក្រពេញខ្លាញ់ធ្វើការខុសធម្មតា។ ការធ្វើការសំអាតគួរជ្រើសរើសប្រើសាប៊ូខ្សោយៗ ឬក៏ប្រើជេលថ្លាៗលុបលាងមុខ តែហាមប្រើញឹកញាប់ពេក។ ក្នុងករណីដែលស្បែកមុខឡើងខ្លាញ់ខ្លាំងពេក គួរប្រើក្រដាសអនាម័យផ្តិតសំអាតជំនួស។ ចំពោះគ្រឿងសំអាងវិញគួរប្រើប្រភេទ Oil-Free ដើម្បីការពារកុំឲ្យផ្ទៃមុខមើលឃើញឡើងខ្លាញ់ខ្លាំងពេក។
-ស្បែកមុខស្ងួតៈ សំរាប់អ្នកមានលក្ខណៈស្បែកមុខបែបនេះងាយនឹងប្រឈមកើតស្នាម ជ្រីវជ្រួញជាងប្រភេទស្បែកដទៃទៀត ដោយសារតែមិនអាចរក្សាទុកនូវភាពសំណើមបាន។ ចំពោះការថែទាំដែលត្រឹមត្រូវគួរលុបលាងមុខនៅពេលព្រឹកដោយប្រើ ទឹកទទេ នៅពេលល្ងាចដែលត្រូវលាងគ្រឿងសំអាងចេញនោះ គួរជ្រើសរើសប្រើក្រែមលាងមុខដែលមានចំណែកផ្សំរបស់ម៉យជឺរ៉ាយសឺ។ នៅមុនពេលចូលដំណេកគួរប្រើក្រែមបំប៉នស្បែកដើម្បីជួយបង្កើនភាព សំណើមដល់ស្បែកមុខ។ ប៉ុន្តែចំណុចល្អរបស់អ្នកមានស្បែកមុខស្ងួត គឺរន្ធរោមច្រើនមើលឃើញរាបហាប់ស្មើ ហើយថែមទាំងមិនសូវកើតមានបញ្ហាផ្ទៃមុខឡើងខ្លាញ់ព្រមទាំងមិនសូវ ឡើងមុនលើផ្ទៃមុខទៀតផង៕
