- សាច់ជ្រូក ៥០ក្រាម
- គ្រឿងក្នុងជ្រូក ៥០ក្រាម
- ប្រហិតត្រី ១/២កញ្ចប់
- សសៃកែង ២ដុំ
- បង្គា ១០ក្រាម
- មឹក ១០ក្រាម
- ហេបីយីហ៊ឺ ១០ក្រាម
- ផ្សិតចំបើង ៣០ក្រាម
- តៅហ៊ូ ១/២ដើម
- ការ៉ុត ១/៣ដើម
- ផ្កាគូឆាយ ២០ក្រាម
- ជីឆាយ ១/២ដុំ
- គល់ខ្ទឺម ២ដើម
- ជីគីនឆាយ ១/២ដុំ
- ខ្ទឹមលីង ១/២ស្លាបព្រាកាហ្វេ
គ្រឿងផ្សំរសជាតិ៖
- ទឹកត្រី ១ស្លាបព្រាបាយ
- អំបិល ១/២ស្លាបព្រាកាហ្វេ
- ម្សៅស៊ុបមាន់ ១ស្លាបព្រាកាហ្វេ
- ទឹកស៊ុប ២វែកកន្លះ
វិធីធ្វើ៖
- យកសាច់ជ្រូកចិញ្ចាំឲ្យម៉ត់ គ្រឿងក្នុងជ្រូកឆូតហាន់បន្ទះស្តើងៗ រួចហើយត្រាំទឹក២នាទី ដើម្បីកុំឲ្យមានក្លិនសសៃកែង ធ្វើឲ្យផុយកាត់បញ្ឆិតៗ បង្គាបកសំបកពុះយកសរសៃខ្នងចេញ មឹកបកស្បែកលាងទឹក ឆូតជាក្រឡាចក្រត្រង ហាន់បន្ទះ២ធ្នាប់ដៃ។ យកផ្សិតពុះជាពីរ តៅហ៊ូពុះជាដុំល្មមៗ ការ៉ុតចិតជាបន្ទះស្តើងៗ ផ្កាគូឆាយ គល់ខ្ទឹម ជីគីនឆាយ កាត់កង់ៗប្រវែង ១ថ្នាំងដៃ។ បន្ទាប់មកយកផ្សិត ការ៉ុតស្រុះទឹកក្តៅឲ្យស្រពាប់បន្តិចទុកមួយអន្លើ។
- យកឆ្នាំងភ្លើង រឺចានគោមរាបផ្កាគូឆាយ តៅហ៊ូពីក្រោមបន្ទាប់រៀប គ្រឿងក្នុងជ្រូក ហេបីយីហ៊ឺ គ្រឿងសមុទ្រ ប្រហិតត្រី ការ៉ុត សរសៃកែង ទើបចាក់ទឹកស៊ុប បង់គ្រឿងចូល ទឹកត្រី អំបិល ម្សៅស៊ុបមាន់ដាក់ភ្លើងឲ្យពុះ បង់គល់ខ្ទឹម ជីវ៉ាន់ស៊ុយ និងខ្ទឹមលីងជាការស្រេច។
Source: http://sovanntips.wordpress.com