ការសម្រេចកាមដោយខ្លួនឯង ទោះបីជាយ៉ាងណាក៏ដោយ នៅអតីតកាលមកនោះ ជាការពិតគ្រាន់តែជាសកម្មភាពបំពេញសេចកី្តត្រូវការផ្នែកសេរីរជីវសាស្រ្ត (សេចកី្តបំពេញសំណូមពរផ្លូវភេទ) តែប៉ុណ្ណោះ ដោយចាត់ទុកថា ជារឿងធម្មតាសម្រាប់រូបកាយរបស់មនុស្សទាំងឡាយនោះ
។ បើនិយាយអំពីមួយជីវិតរបស់មនុស្សប្រុសវិញនោះ គឺស្ទើរគ្រប់គ្នាទាំងអស់ សុទ្ធតែធ្លាប់សម្រេចកាមដោយខ្លួនឯងយ៉ាងនេះ។ នេះគ្រាន់តែជាសកម្មភាពសិចម៉្យាងដើម្បីដោះទ័លណ ក៏ព្រោះតែចំណង់រួមភេទបានកើតមានឡើង និងមានភាពបន្ទាន់បំផុត។ការសម្រេចកាមតញ្ហាច្រើនកើតមានចំពោះតែយុវវ័យ នៅពេលដែលចំណងនៃការរួមភេទកើតមានទ្រាំលែងបាន ពិសេសយុវវ័យ និងយុវតីដែលពុំមានលទ្ធភាពស្វែងរកដៃគូរួមរ័កដើម្បីសម្រន់ចំណង់ភេទ ព្រោះតែខ្លាចប៉ះពាល់ដល់សីលធម៌សង្គម ឬក៏ដោយសារតែបញ្ហាសេដ្ឋកិច្ច ឬក៏សិ្ថតនៅទីកន្លែងណាមួយដែលសិ្ថតមិនអាចមានលទ្ធភាពជួបប្រាស្រ័យជាមួយនឹងមនុស្សផ្ទូយភេទគ្នាមានការរស់នៅតាមទីកោះ នៅតាមព្រំដែន ឬការធ្វើដំណើរលើនាវាឆ្លងកាត់សមុទ្រអស់ពេលជាយូរថ្ងៃ រស់នៅក្នុងការឃុំឃាំងយូរពេក។
ការបំពេញចំណង់កាមដោយខ្លួនឯងកាន់តែត្រូវកាត់បន្ថយទៅតាមពេលវេលា អាយុកាល ឬនៅពេលដែលគេរៀបការប្តី ប្រពន្ធ ទៅហើយនោះ។
ក៏នៅមានករណីខ្លះទៀត នៅតែមានមនុស្សមួយចំនួនដែលញៀននឹងការសម្រេចកាមដោយខ្លួនឯងនៅតែប្រព្រឹត្តិយ៉ាងដូច្នេះ ដោយសារតែគេពុំទទួលបានភាពស្រណុកដល់កំពូលនៅពេលរួមភេទជាមួយដៃគូហើយនោះ ហើយគេបែរជាទទួលអារម្មណ៍ស្រណុកស្រួលខ្លាំងទៅវិញ ពេលឈានមកសម្រេចកាមដោយខ្លួនឯងនោះ។ នេះត្រូវបានចាត់ទុកជាប្រភេទជំងឺមួយទាក់ទិនទៅនឹងផ្លូវកាមដែលទាមទាឲ្យមានការព្យាបាលជាបន្ទាន់។ ទោះបី ជាសភាពនៃផ្នែកជីវសាស្រ្តរបស់មនុស្សនោះ សិ្ថតនៅជាធម្មតា ប្រក្រតី ក៏បណ្តាមិត្តយុវវ័យមិនត្រូវប្រព្រឹត្តិការសម្រេចកាមដោយខ្លួនឯងនោះហួសហេតុពេកនោះដែរ ដែលនឹងក្លាយទៅជារឿងញៀននឹងការប្រព្រឹត្តិយ៉ានេះ។ ការប្រព្រឹតិ្តកាមដោយខ្លួនឯងច្រើនលើសពេក និងអូសបន្លាយជាយូរនោះ នឹងនាំឲ្យរូបកាយខ្សោះកម្លាំងទៅជាលំដាប់ៗក្នុងនោះក៏មានផលមិនល្អប៉ះពាល់ដល់ផ្នែកសរសៃរប្រសាទ គ្មានអារម្មណ៍ប្រមូលផ្តុំ ការបញ្ចញពលកម្ម និងការសិក្សាក៏ត្រូវធ្លាក់ចុះយ៉ាងគំហុក។
សម្រាប់ភាពជាក់ស្តែងវីញនោះ គឺជាការពិបាកខ្លាំងណាស់ ដោយសារតែគេមិនបានផ្លាស់ប្តូរទម្លាប់ដ៏អាក្រក់នោះមកធ្វើការហាត់ប្រាណ ឬលេងកីឡាវិញ។ ប៉ុនែ្តបណ្តាមនុស្សទាំងឡាយដែលនៅលីវ គប្បីរៀបចំគ្រូសារប្តី ប្រពន្ធ ឬត្រូវមានការព្យាបាលផ្នែកផ្លូវចិត្តឲ្យបានត្រឹមត្រូវ ដោយមានការប្រាស្រ័យផ្ទាល់ជាមួយនឹងវេជ្ជបណិ្ឌតផ្នែកកាមសាស្រ្តផងដែរ។ ប្រការដែលសោកស្តាយវីញនោះ នៅប្រទេសយើង គ្រូពេទ្យផ្នែកនេះនៅពុំទាន់មាននោះទេ៕
ប្រភពៈ ទស្សនាវដី្តតារា