ជំហានទី១: បដិសេធ |
តារាកូរ៉េខាងត្បូងភាគច្រើន តែងមានចម្លើយដូចៗគ្នា ពេលដែលចាប់ផ្តើមលេចឮនូវពាក្យចចាមអារាមស្នេហ៍ស្និតថាៈ វាពុំមែនជាការពិត!។ តាំងពីពាក្យចចាមអារាមរឿង Jang Dorg Gun -Go So Young ឬ Kwoa Sang Woo - Son Tae Young... នោះឃ្លាដំបូងរបស់តារាផ្នែកបុរស គឺ “វាគ្រាន់តែជាពាក្យចចាមអារាម ពួកខ្ញុំគ្រាន់តែជាមិត្តភ័ក្តិ”។ ប៉ុន្តែពេលវេលា បានផ្តល់ចម្លើយពិតប្រាកដបំផុតថា “វាមិនមែនជាពាក្យចចាមអារាម”។ អ្នកគាំទ្រពួកគេ ទោះបីមានការសប្យាយរីករាយ ចំពោះគូតារាទាំងនោះ ក៏ពួកគេតែងនិយាយលេងសើចថា “គូតារាទាំងនោះ គឺជាមហាគ្រូភូតភ”។ |
គូស្វាមីភរិយា Jang Dong Gun - Go So Young |
... ឬ Kwon Sang Woo និង Son Tae Young ក៏តែងតែបដិសេធគ្រាដែលពួកគេស្នេហ៍ស្និតដំបូង |
ថ្មីៗនេះ ពាក្យចចាមអារាមស្នេហាកំពុងផ្ទុះឡើងសារជាថ្មី ជាមួយគូតារាថ្មី គឺ Bi Rain-Jeon Jihyun, Lee Seung Gi និង Ga-in, Wo Bin- Shin Min Ah... រីឯចម្លើយពីពួកគេវិញ គឺសូន្យ។ |
Bi Rain និយាយអំពីរឿងមិត្តភ័ក្រ្ត និងស្នើបេក្ខភាពតួឯកនៃរឿង “Run Anay” សម្រាប់ Jeon Ji Hyun គ្រាន់តែជាមិត្តភ័ក្តិយូរឆ្នាំប៉ុណ្ណោះ ក្នុងពេលដែលរូបភាពជាច្រើនដែលអ្នកទាំងលួចជួបគ្នាយ៉ាងអាថ៌កំបាំងបានឲ្យ “ចាប់ភ័ស្តុតាង” នឹងត្រូវបានគេទាញយកមកធ្វើជាសំអាង។ |
Bi Rain ឆ្លើយបដិសេធរឿងលួចជួបគ្នាជាមួយ Jeon Ji Hyun |
ក្នុងបទសម្ភាសន៍ក្នុងទូរទស្សន៍ថ្មីៗនេះ Shin Min Ah ក៏បានធ្វើការបដិសេធរឿងស្នេហ៍ស្និតជាមួយតារា Won Bin ក្រោយពេលដែលអ្នកទាំងពីរ បានសំដែងយ៉ាងស្និតស្នាលហួសហេតុ ក្នុង Videoclip ផ្សព្វផ្សាយកាហ្វេ។ នាងពោលថាៈ យើងជួបគ្នាតែ ៣លើកប៉ុណ្ណោះ ដើម្បីថតផ្សាយពាណិជ្ជកម្ម។ ហើយនៅកន្លែងថត យើងក៏និយាយជាមួយគ្នា ប្រមាណ ៥០ឃ្លាប៉ុណ្ណោះ។ |
បន្ទាប់ពីការថតវីដេអូ |
... Shin Min Ah និង Won Bin តែងមានពាក្យចចាមអារាម តែពួកគេបដិសេធជានិច្ច។ |
ឥឡូវងាកមកស្តាប់ Ga-in ព្រោកប្រាជ្ញអំពីព័ត៌មានចចាមអារាមជាមួយ Lee Seung Gi - បុរសល្ងីល្ងើគួរស្រឡាញ់។ ពេលខ្ញុំចូលរួមសម្តែងក្នុងរឿង “We got married” ជាមួយ Jo Kwon ក៏មានពាក្យចចាមអារាមថា ខ្ញុំធ្វើបែបនេះ ដើម្បីបញ្ជៀសរឿងអាស្រូវស្នេហាជាមួយ Lee Seung Gi។ |
ទោះបីយ៉ាងណា ពេលដែលសារព័ត៌មានមួយចុះផ្សាយ នោះចាំបាច់ត្រូវតែបកស្រាយ។ តែបើខ្ញុំផ្តើមនិយាយតែម្នាក់ឯង គឺវាប្លែក... ការពិតខ្ញុំសប្បាយចិត្តណាស់ជាមួយព័ត៌មាននេះ។ តែឥឡូវខ្ញុំចង់បកស្រាយរាល់ការយល់ច្រឡំ។ រយៈពេលកន្លងមក ខ្ញុំមានសុភមង្គលណាស់។ |
Ga-in មានអារម្មណ៍សប្បាយ ចំពោះពាក្យចចាមអារាមជាមួយ Lee Seung Gi
តែនាងអះអាងថា វាពុំមែនជារឿងពិត |
ជំហានទី២: បិទបើកៗ និង ចំហរ |
បន្ទាប់ពីការបដិសេធច្រើនលើកច្រើនសារមិនបានជោគជ័យ ដោយការលើកឡើងនូវភ័ស្តុតាង ច្បាស់ក្រឡែតពេក ហើយបូកបន្ថែមនឹងប្រការមួយទៀត គឺស្នេហារបស់តារាតាំងនោះ បានបោះទៅមុខមួយជំហានយ៉ាងវែង ទើបពួកតារាៗចាប់ផ្តើមបង្ហាញមុខកាម៉ារ៉ា។ Jaug Aog Gun និង Go So Young ជាឧទាហរណ៍ជាក់ស្តែងមួយ។ បន្ទាប់ពីរឿងបើកបង្ហើបពីការទៅទេសចរណ៍ជាមួយគ្នា ការបង្ហើបដោយប្រយោលនូវផែនការរៀបអាពាហ៌ពិពាហ៌ រហូតដល់ពេលដែលប្រធានក្រុមហ៊ុនគ្រប់គ្រងរបស់ Jaug បានប្រកាសទទួលស្គាល់ ទើបគេឃើញ Jaug Aog Gun និង Go So Young គឺជាមិត្តរូបនៃម៉ូទីប រឿងស្នេហ៍តារាកូរ៉េៈ បដិសេធ- បិទបើកៗ- ចំហរ។ |
Jang Doag Gun និង Go So Young និមិត្តរូបនៃម៉ូទីបស្នេហារបស់តារាកូរ៉េ |
រឿងស្នេហ៍ស្និតរបស់តួសម្តែង Shin Se Kyung និង Jong Hyun នៃក្រុម Shinee ថ្មីៗនេះ ត្រូវបានអ្នកទាំងពីរសារភាព។ មុននេះ បន្តិចរឿងរ៉ាវរបស់នាង ស៊ិចស៊ីលំដាប់ដំបូង “នៃភាពយន្តកូរ៉េ” Kim Hye Soo និង បុរសឆ្មេញចំពើស Yoo Hoe Jin ក៏ជាព័តរ៌មានគួឲ្យរីករាយថ្មីមួយទៀត ក្នុងពិភពកំសាន្តកូរ៉េ។ |
Shin Se Kyung និង Jong Hyun |
|
... Kim Hye Boo និង Yoo Hae Jin សារភាពស្រឡាញ់គ្នាក្រោយពេលអ្នកគាំទ្រ
“ចាប់បាន” ភ័ស្តុតាងលួចជួបគ្នា |
ឬគឺជាល្បិចបង្កើត Scandal: |
ក៏ប៉ុន្តែទទ្ទឹមងនឹងកត្តាដែលមានលក្ខណៈប្រាកដប្រជា ក៏មាននូវពាក្យចចាមអារាម ដែលពួកតារាបង្កើតឡើងដោយខ្លួនឯង។ ប្រការនេះ បណ្តាលឲ្យសាធារណៈជន មិនអាចមិនចោទសំនួរថាៈ តើនេះ គឺជាស្នៀតបង្កើតរឿងអាស្រូវ(Scandal) ដើម្បីប៉ូលាឈ្មោះរបស់ខ្លួន? |
Kim Tae Hee និង Yang Dang Greun បានបង្កើតពាក្យចចាមអារាម មិនតិចដងទេ
ក្រោយពេល សម្តែងក្នុងរឿង “Grand Prix”។ |
ថ្មីៗបំផុត គឺរឿង Kai Tae Hee និង បុរស ២រូបៈ Yang Dong Geun និង Song Seung Heon។ នៅមុនពេលដែល “Grand Prix” បានបញ្ចាំងផ្លូវការតាមរោងភាពយន្ត Kim Tae Hee និង តួសម្តែងរួម Yang Dong Geun បានស្ងើចសរសើរគ្នាលើសធម្មតា ជុំវិញរឿងថើបជញ្ជក់មាត់ពេលថត។ ពេលខ្លះ Yang នៅបង្ហើប ចង់សុំរៀបការនឹង Kim Tae Hee ហើយភ្លាមៗនោះ ក៏មានពាក្យចចាមអារាម “រឿងកុន តែស្នេហាពិត” ជុំវិញ “Grand Prix។ ប៉ុន្តែនៅពេលភាពយន្តចាប់បញ្ចាំងលទ្ធផលមិនដូចបំណងនោះ Scandal ក៏រលត់ឈឹងតែម្តង។ តួឯកប្រុស Song Seung Heon អ្នករួមសម្តែង ក្នុងរឿង “My Priness” ជាមួយ Kim Tae Hee ក៏ធ្វើជាបង្ហើបថាៈ “មិនដឹងមុនថា ខ្ញុំអាចមានរឿងអាស្រូវជាមួយ Kim Tae Hee”។ |
|
Song Seung Heon ធ្វើជាបង្ហើបរឿង Scandale ជាមួយ Kein Tae Hee |
ទោះបីជារឿងពិត ឬ គ្រាន់តែជាពាក្យចចាមអារាម ក៏ស្នេហាក្នុងពីភពតារា តែងតែធ្វើឲ្យបរិយាកាសនៃពិភពកំសាន្តកូរ៉េ “ឡើងកម្តៅ” ជាងរឿងស្នេហាអន្លង់អន្លោចអារម្មណ៍ទៅទៀត។ |
រឿងដែលមតិមហាជនរង់ចាំចង់បាននោះ គឺទីបញ្ចប់ដ៏ល្អ សម្រាប់រឿងស្នេហ៍មួយៗ៕
Source: http://www.ksn-news.com/ksn_details.aspx?Tbl_News_Identity_Id=2320 |