កណ្ដុរជាសត្វគួរឲ្យខ្ពើម ដែលអាចចម្លងមេរោគដល់មនុស្សឲ្យគ្រោះថ្នាក់បាន វាចូលចិត្តសម្ងំនៅក្នុងផ្ទះ វាស៊ីសព្វស៊ីគ្រប់ទាំងអ្វីដែលមិនគួរស៊ីដូចជា ខាំកាត់ខ្សែភ្លើង ប្រអប់ផ្លាស្ទិក កន្ត្រក ស្បោងនំ ស្បែកជើង ៘ដើម្បីបង្ការសត្វកណ្តុរ អ្នកគួរធ្វើតាមការណែនាំខាងក្រោម ៖
៙ ត្រួតពិនិត្យការខូតខាតឧបករណ៍ប្រើប្រាស់អគ្គិសនី បើសិនមានកណ្ដុរកាត់ ត្រូវប្រញាប់ជួសជុល ។
៙ របស់ណាក៏ដោយ ដែលត្រូវកណ្ដុរខាំកកេរ ត្រូវបោះចោល ចៀសវាងការឆ្លងមេរោគ ។
៙ រកច្រកដែលកណ្ដុរ តែងតែរត់ឆ្លងកាត់ឲ្យឃើញ ហើយបិទចុកឲ្យណែន កុំឲ្យវាចូលបាន ។
៙ ក្រោយទទួលទានអាហាររួចហើយ គួរលាងចានក្បានភ្លាមៗ កម្ចាត់សំរាមក្នុងផ្ទះឲ្យអស់ ។
៙ រៀបចំសម្ភារប្រើប្រាស់ឲ្យមានសណ្ដាប់ធ្នាប់ មានទូសម្រាប់ដាក់ចាន ឆ្នាំង ស្លាបព្រា ទុកអាហារដែលនៅសល់ក្នុងទូទឹកកក ចៀសវាងកណ្តុរលួចស៊ី ។
៙ សម្អាតផ្ទះយ៉ាងទៀងទាត់ ដុសសម្អាតកម្រាលឥដ្ឋការ៉ូ ដោយទឹកថ្នាំសម្លាប់មេរោគ ។
៙ ដាក់អង្គប់ ឬទ្រុង ឬអាចប្រើចំណីលាយថ្នាំពុល ឬដាក់ជ័រស្អិត ប៉ុន្ដែគួរប្រយ័ត្នកុំឲ្យក្មេង ឬសត្វចិញ្ចឹមប៉ះពាល់ ។
៙ ចិញ្ចឹមឆ្មា ឬឆែ្ក ទុកចាប់កណ្តុរ ៕
Source:http://knowledge.cen.com.kh/index.php?option=com_content&view=article&id=1051:2011-02-28-02-18-44&catid=36:2010-06-18-07-24-41&Itemid=55
