ភ្នំពេញ: នៅក្នុងបទសម្ភាសន៍ជាមួយទូរទស្សន៍ CTN ពីប្រទេសឥណ្ឌូនេស៊ី លោក ហោ ណាំហុង រដ្ឋមន្ត្រីការបរទេសកម្ពុជាបានប្រកាសថា កិច្ចប្រជុំស្វែងរកដំណោះស្រាយជម្លោះព្រំដែនកម្ពុជា-ថៃ នៅប្រទេសឥណ្ឌូនេស៊ី កាលពីថ្ងៃទី៧ និងថ្ងៃទី៨មេសា ឆ្នាំ២០១១ មានភាពតឹងតែង និងអូសបន្លាយ ដោយមិនបានសម្រេចអ្វីជាផ្លែផ្កាឡើយ។ បញ្ហាគឺបណ្តាលមកពីភាគីថៃគ្មានសុឆន្ទៈ ដើម្បីដោះស្រាយជម្លោះព្រមដែនដោយសន្តិវិធីជាមួយកម្ពុជាទេ។
លោកឧបនាយករដ្ឋមន្ត្រីបានមានប្រសាសន៍ដោយសម្តីខឹងសម្បារថា មានចំណុចតែ ៣ ប៉ុណ្ណោះ ក្នុងរបៀបវារៈនៃការពិភាក្សា គណៈកម្មការព្រំដែន JBC កាលពីថ្ងៃទី៧ និងថ្ងៃទី៨មេសា ឆ្នាំ២០១១ នៅទីក្រុងបូហ្គ័រ ប្រទេសឥណ្ឌូនេស៊ី។ តាមពិតចំណុចទាំង ៣ នោះ មានការឯកភាពគ្នារួចហើយរវាងភាគីកម្ពុជា និងភាគីថៃ កន្លងមក។ ក៏ប៉ុន្តែ ចំណុចទាំងបីនោះ ត្រូវបានពិភាក្សាយ៉ាងតឹងតែងបំផុត ហើយអូសបន្លាយដល់ម៉ោង ៩ និង ៣០ នាទី យប់ថ្ងៃទី៨មេសា ទើបចប់។
របៀបវារៈនៃកិច្ចប្រជុំគណៈកម្មការព្រំដែន JBC ទាំង ៣ ចំណុចនោះគឺ ទី១-ការបញ្ជូនក្រុមបច្ចេកទេស ទៅរកបង្គោល លេខ១ ទៅដល់បង្គោលទី២៣ នៅតំបន់ព្រំដែន៥ នៃព្រំដែនកម្ពុជា-ថៃ ចាប់ពីអន្លង់វែង មកប្រាសាទតាមាន់។ របៀបវារៈទី២-ការថតពីអាកាសតាមយន្តហោះ តាមបន្ទាត់ព្រំដែន ដើម្បីរកបង្គោលព្រំដែនចាស់ និងចំណុចទី៣-ការបើកច្រកព្រំដែនស្ទឹងបត់នៅខេត្តបន្ទាយមានជ័យ។
លោកប្រមុខការទូត ហោ ណាំហុង បានគូសបញ្ជាក់ថា ខាងភាគីកម្ពុជាចង់ធ្វើភ្លាមៗ ដោយបញ្ជូនអ្នកបច្ចេកទេសទៅរកបង្គោលព្រំដែនចាស់។ ម្យ៉ាងទៀត ចំណុចនេះ មិនមានទាក់ទងនយោបាយ និងមិនមានទាក់ទងសភាថៃទេ គ្រាន់តែថតរួមគ្នា។ ប៉ុន្តែ
ជាថ្មីម្តងទៀត ភាគីថៃបានស្នើឲ្យចាំសភាថៃអនុម័តលើកំណត់ហេតុរបស់គណៈកម្មការព្រំដែន JBC ដែលជជែកកាលពីឆ្នាំ២០០៨ និងឆ្នាំ២០០៩ ជាមុនសិន។ កំណត់ហេតុនោះ តាំងពីខែ៤ ឆ្នាំ២០០៩ មកដល់សព្វថ្ងៃ សភាថៃ មិនបានអនុម័តទេ ហើយរុញទៅរុញមក បណ្តាក់គ្នាដូចខ្ចង។
លោក ហោ ណាំហុង បានបន្តថា ការព្រមព្រៀងចំណុចមួយនេះ ដោយសារតែថៃ យល់ឃើញថា មានប្រយោជន៍ដល់ថៃ ចំពោះការបើកច្រកនេះ ដើម្បីឲ្យរថយន្តដឹកទំនិញចុះឡើង កុំឲ្យរំខានដល់ច្រកប៉ោយប៉ែត។ ច្រកប៉ោយប៉ែត ទុកឲ្យទេសចរ។ ទំនិញថៃ មកស្រុកខ្មែរ ក្នុង១ឆ្នាំៗ ជាង ២.០០០ លានដុល្លារ។ ដូច្នេះការបើកច្រកព្រំដែនថ្មីនេះ ជាផលប្រយោជន៍ធំរបស់ថៃ។
លោកឧបនាយករដ្ឋមន្ត្រី ហោ ណាំហុង បានគូសបញ្ជាក់ថា ទង្វើរបស់ភាគីថៃ បង្ហាញឲ្យឃើញនូវជំហរអត់ឆន្ទៈ និងមានឆន្ទៈអាក្រក់ចំពោះការដោះស្រាយបញ្ហាព្រំដែនដោយសន្តិវិធី និងដោយមិត្តភាព គឺមិនដែលដូចខ្លួនបាននិយាយកោកៗកន្លងមកនោះទេ។
បើយោងតាមលោកហោ ណាំហុង ក្នុងកិច្ចប្រជុំគណៈកម្មការព្រំដែនចម្រុះ JBC ដែលភាគីកម្ពុជា ដឹកនាំដោយលោកទេសរដ្ឋមន្ត្រី វ៉ា គីមហុង គឺភាគីថៃ ក៏មិនឯកភាពលើថ្ងៃខែ នៃការប្រជុំលើកក្រោយឡើយ។ ថៃសុំឲ្យដាក់ការស្រុះស្រួលទាំងសង្ខាងរវាងកម្ពុជា និងថៃ តាមផ្លូវទូត។ ចំណែកកម្ពុជា សុំឲ្យមានការសម្រុះសម្រួល ដោយឥណ្ឌូនេស៊ី ជាប្រធានអាស៊ាន ព្រោះឥណ្ឌូនេស៊ី ទទួលអាណត្តិពីក្រុមប្រឹក្សាសន្តិសុខអង្គការសហប្រជាជាតិ ដើម្បីសម្រុះសម្រួលការចរចារវាងកម្ពុជា និងថៃ ក្នុងការដោះស្រាយបញ្ហាព្រំដែន។
ម្យ៉ាងទៀត ឥណ្ឌូនេស៊ី ដែលជាប្រធានអាស៊ាន ក៏ទទួលអាណត្តិពីអាស៊ានទាំងមូល នៅក្នុងកិច្ចប្រជុំថ្នាក់រដ្ឋមន្ត្រីការបរទេសអាស៊ាន កាលពីថ្ងៃទី២២កុម្ភៈ ឆ្នាំ២០១១។ នោះគឺរដ្ឋមន្ត្រីការបរទេសអាស៊ាន បានចេញសេចក្តីថ្លែងការណ៍ ឲ្យអាស៊ានចូលរួមដោយសមស្រប ដើម្បីដោះស្រាយបញ្ហាព្រំដែនកម្ពុជា-ថៃ។ ដូច្នេះកម្ពុជា ទទូចឲ្យឥណ្ឌូនេស៊ី ចូលរួមរៀបចំកិច្ចប្រជុំ ក៏ប៉ុន្តែថៃចង់តែទាត់ចោលតួនាទីរបស់ឥណ្ឌូនេស៊ី។
លោក ហោ ណាំហុង ក៏បានគូសបញ្ជាក់ជាថ្មីថា ថៃមិនមានសុឆន្ទៈ និងមានពុតត្បុតអាក្រក់។ ថៃចង់តែចរចាទ្វេភាគី តែចរចាប៉ុន្មានឆ្នាំមកហើយ មិនបានការអ្វីសោះ។ ដូច្នេះហើយបានជា ក្រុមប្រឹក្សាសន្តិសុខអង្គការសហប្រជាជាតិ និងអាស៊ាន បានប្រគល់ភារកិច្ចឲ្យឥណ្ឌូនេស៊ី ជួយសម្រុះសម្រួលរវាងកម្ពុជា និងថៃ ឈានទៅដោះស្រាយបញ្ហាព្រំដែន ដោយសន្តិវិធី និងឈានទៅគោរពការឈប់បាញ់ជាអចិន្ត្រៃយ៍។
ការមិនព្រមទទួលយកតួនាទីរបស់ឥណ្ឌូនេស៊ី ក្នុងការរៀបចំកិច្ចប្រជុំគណៈកម្មការព្រំដែន JBC លើកក្រោយ ត្រូវបានលោកប្រមុខការទូត ហោ ណាំហុង បានបញ្ជាក់ថា ចំណុចនេះ បង្ហាញឲ្យឃើញនូវគំនិតអាក្រក់របស់ថៃ ក្នុងបញ្ហាចរចា។ ថៃយកបញ្ហាចរចានេះ ជាឡប់ឡែតែប៉ុណ្ណោះ។ តែកម្ពុជា យើងចង់ចរចាឲ្យបានលទ្ធផលជាក់ស្តែង និងឲ្យបានលទ្ធផលល្អ លើការដោះស្រាយបញ្ហាដោយសន្តិវិធី និងដោយមិត្តភាពរវាងកម្ពុជា-ថៃ។
លោកឧបនាយករដ្ឋមន្ត្រី ហោ ណាំហុង បានគូសបញ្ជាក់ថា ជាអភ័ព្វណាស់ ដែលយើង ( កម្ពុជា ) បានប្រទេសជិតខាងមួយ ( ថៃ ) ដែលមានអ្នកដឹកនាំ មានពុតត្បុតអាក្រក់យ៉ាងនេះ៕
Source: http://www.cen.com.kh/localnews/show_detail/19?token=MGFmNTlmOTkxMGQ4Y2ZiN2Y2YmNlYTljOGEyYmVl
ហោ ណាំហុង៖ កម្ពុជាអភព្វ័ដែលមានប្រទេសជិតខាងមានមេដឹកនាំពុតត្បុតអាក្រក់
ស្ថានភាពស្រុកខ្មែរ
Post a comment
:ambivalent:
:angry:
:confused:
:content:
:cool:
:crazy:
:cry:
:embarrassed:
:footinmouth:
:frown:
:gasp:
:grin:
:heart:
:hearteyes:
:innocent:
:kiss:
:laughing:
:minifrown:
:minismile:
:moneymouth:
:naughty:
:nerd:
:notamused:
:sarcastic:
:sealed:
:sick:
:slant:
:smile:
:thumbsdown:
:thumbsup:
:wink:
:yuck:
:yum:
Next Post
Newer Post Previous Post
Older Post
Newer Post Previous Post
Older Post
Subscribe to:
Post Comments (Atom)
Topics by Categories
- ការថែទាំកុមារ (23)
- ចំណេះដឹងទូទៅ (43)
- ចោរលួច ឬប្លន់ ចាប់មិនទាន់ ចុចត្រង់នេះ (1)
- តារាខ្មែរ (4)
- តារាអន្តរជាតិ (3)
- បចេ្ចកវិទ្យា (IT) (6)
- ប្រវត្តិទីកន្លែង (1)
- ព័ត៌មានសេដ្ឋកិច្ច (5)
- ព្រះពុទ្ឋ និងព្រះធម៌ (7)
- វិធីធ្វើម្ហូបខ្មែរ (34)
- សម្ផស្ស (30)
- សុខភាពបុរសស្រី្ត (3)
- សុខភាពផ្លូវភេទ (52)
- ស្ថានភាពស្រុកខ្មែរ (6)
- អាហារ (23)
- អ្នកនិពន្ឋខ្មែរ (1)