១-ការជ្រុះសក់ កើនឡើង
នៅពេលថ្មីៗ កន្លងទៅនេះ សក់របស់អ្នក ស្រាប់តែបាត់បង់ នូវភាពភ្លឺរលោង និង ស្តើងទៅជាបណ្តើរៗ ហើយទោះជាអ្នក បានកក់សក់ ដោយបានប្រើប្រាស់ ផលិតផលកក់សក់ មានតម្លៃ និង មានគុណភាពខ្ពស់
យ៉ាងណាក្តី ក៏ពុំអាចសង្គ្រោះ នូវ ការជ្រុះសក់នោះ បានដែរ ។ ដូច្នេះវាអាចជា រោគសញ្ញាបញ្ហា មុខងារក្រលៀន ដែលចុះខ្សោយ ។
២-ហើមត្របកភ្នែក
នៅពេលព្រឹកព្រលឹម ពេលក្រោកពីដំណេក និង ក្រោយពេលបើកភ្នែក ស្រាប់តែមាន អារម្មណ៍ថា កែវភ្នែកទាំងគូ ហាក់ដូចជារួយស្រពន់ ។ ដូច្នេះអ្នកអាច នឹកគិតភ្លាមថា មូលហេតុប្រហែល ជាអាចផ្តើមចេញពី ពេលម្សិលមិញ ដែលបានអង្គុយធ្វើ ការពេញមួយថ្ងៃ នៅពីមុខកុំព្យូទ័រ ប៉ុន្តែចូរប្រញាប់ប្រញាល់ ពិនិត្យមើលបន្តិចថាតើ ត្របកភ្នែកខាងក្រោម មានហើមខ្លាំងដែរឬអត់? ត្រូវប្រយ័ត្នឱ្យមែនទែន ព្រោះអាការៈទាំងនេះ សុទ្ធតែជាសញ្ញានៃ រោគខ្សោយក្រលៀន ។
៣-អាការខុសប្រក្រតី នៃការមករដូវ
អាការនៃការមករដូវ ដូចជាបែកញើស ខុសប្លែកធម្មតា ការមករដូវពុំទៀងទាត់ ទឹកចិត្តរំជើបរំជួល ។ រោគសញ្ញានៃការ អស់រដូវទាំងនេះ ប្រសិនបើធ្លាក់មកលើ រូបអ្នកដែលកំពុងតែមានវ័យ ៣០ ឆ្នាំ គួរគប្បី ប្រញាប់ប្រញាល់ ទៅពិនិត្យមើល ក្រលៀនរបស់អ្នកថាតើ មានបញ្ហាដែរឬក៏អត់ ។
៤-ប្រែទៅជាធាត់ ធាត់ហើយធាត់ទៀត
បរិមាណចំណីអាហារ ពុំមានការកើនឡើងឡើយ ហើយជីវភាពរស់នៅ ប្រចាំថ្ងៃក៏ដូចប្រក្រតី ប៉ុន្តែទម្ងន់រាងកាយ កើនឡើងឥតឈប់ឈរ ហើយបើទោះជាអ្នក បានហាត់ប្រាណ ឬលេងកីឡា ជារៀងរាល់ថ្ងៃ រាប់ម៉ោងក្តី ក៏ពុំទទួលបាន ប្រសិទ្ធភាព អ្វីដែរ ។ អាការបែបនេះ គឺអាចបណ្តាលពីការ ខ្សោយក្រលៀន ។
៥-ភាពព្រងើយកន្តើយ នៃជីវិតផ្លូវភេទ
ចំពោះរូបអ្នកដែល ទើបតែមានវ័យ ៣០ ឆ្នាំ បែរជាមិនសូវរវីរវល់ ចំពោះកាមតណ្ហានោះ អាចជារោគសញ្ញាមួយ ដែលបណ្តាលមកពី រោគខ្សោយក្រលៀន ៕ សរសេរដោយ ភ្នំពេញដេលីញូវ
